На 28. мај во Public Room слушнете го во живо индонезиецот Manshur Angklung 🎶 Manshur Praditya познат како Manshur Angklung е роден на 25 јануари 1994 година во Бандунг, Индонезија. Тој е традиционален музичар, уметник и солист кој е пионер на „Angklung Toel“, кој ги комбинира звуците на овој традиционален индонезиски инструмент со електронска музика, под слоганот „BRING ANGKLUNG TO THE NEXT LEVEL“. Пред да се запознае со ангклунг, Маншур изучувал традиционална сунданска музика како гамелан, флејта, качапи, тапани и др., од 2009 година во средно стручно училиште. Потоа, во 2012 година, го продолжил своето образование на музичкиот оддел – студиска програма за ангклунг, на Индонезискиот институт за културни уметности во Бандунг, по што започнал музичка кариера која трае до денес. Маншур Ангклунг често настапува во Малезија, Тајван, Камбоџа, Јапонија, Индија, Дубаи, Данска, Босна и Херцеговина, Португалија и САД, претставувајќи ја Индонезија со своите настапи на ангклунг. Дополнително станал сè попознат по соработките со многу познати артисти и музичари во Индонезија. Карактеристиките што Маншур Ангклунг ги носи на своите настапи се динамична музика, свеж стил на облекување, впечатливи сценски перформанси, внимателно осмислени визуелен изглед и осветлување, како и високо ниво на изведувачка вештина, што ја забавува публиката и ја вовлекува длабоко во музиката што се изведува. Почеток 20:30 часот. Влезот за концертот е слободен! Настанот е организиран од Амбасадата на Република Индонезија и Почесниот конзулат на Република Индонезија.