Другари и другарки, Последниот викенд од ова лето ќе мучкаме коктели, ќе мешаме џин тоничиња и ќе слушаме одлична музика по следниот распоред: - Петок - со поддршка од нашите другари од Бакарди ќе мучкаме Мохита, Куба Либриња и Даикирија, дотерани во хавајки, а другарот @darkodmarkovski ќе не почасти со добра музика. - Сабота - на гости ќе имаме гостин бармен кој ќе меша џинови со разни вкусови од сортата Малфи со тоници, со декорации со сВе, додека уживаме во музичкиот избор на другарот @mmvilic

Другари и другарки од Синдикална вероисповест, Како вчера да беше денот кога една септемвриска вечер лето господово 2015-то Централниот Комитет на Синдикалната организација, на тајна седница у една меана го одржа првото заседание на КБС, на кое се испија неколку литри ракија, пиво и уиски, беше напишан Синдикалниот манифест и беше удрен камен темелникот на еден респектабилен мал естаблишмент кој со 4 гласа за и ниту еден против го доби името Синдикат, помеѓу народот познат и како Синди. 10 години подоцна, со суза у око, пеперутки у стомак и грутка во грло се сеќаваме на таа вечер додека со треперливи прсти го пишуваме овој текст со кој сакаме да ве поканиме на целодневна роденденска игранка и пијанка во сабота, 13-ти Септември со почеток точно на пладне. 10 години, исполнети со безобразно добри другарувања, пијанки, игранки, многу успони и по некој пад. Стекнавме еден куп нови познанства и пријателства и чат пат некое скарување. Преживеавме една пандемија, неколку сезонски грипови и стомачни вируси, две реконструкции на Орце Николов, ретрограден Меркур, помрачење Сунца, 2-3 крвави месечини, енергетска криза, инфлација, една нуклеарна хаварија, тсунами итн итн... и планот е уше најмалце десет години да бидеме тука, пошо ни е убаво со вас. 🥰🤘 По повод 10-тиот роденден решивме да направиме една целодневна игранка и пијанка. Почнуваме точно на пладне, местиме диџеј пулт, коктел станица, ладиме пива и текили и спремивме по некое поклонче за успомена и дуго сечање. За волшебна винил музичка селекција ќе бидат задолжени другарите: Вишко, Маци, Флудер, Песинџер, Чваре, Лефанк, Брув и Гејм Овер. Е па драги другари и каде каде подраги другарки, ни остана уште да ви кажеме дека ќе ни биде особено драго доколку ни се придружите на оваа роденденска журка, бидејќи без вас Синдикат немаше да биде тоа што е денес. Ве сака Синди ❤

Другари и другарки, направивме мала пауза од евентќиња поради одмори и полека се враќаме со викенд игранки и пијанки по следниот распоред: Петок - уживаме во музичкиот избор на другарката @anii.5 Сабота - ќе не забавува другарот @janko.petel.javashe Се гледаме во Синди 🍻🤘🙃

Другари и другарки, Во прилог една симпатична викенд агендичка за вас прекрасни луѓе: - Петок - Friday I'm In Love или поточно сентиши од фолдерите на другарот @jankonen 😁🎶🤘 - Сабота - Saturday Night Fever, односно диско хауфче во изведба на другарот @pookie_a 🎶🥃🥰 Гледаме се во в Синдикато 😄

Другари и другарки, оваа среда ни е резервирана за мучкање летни коктели со Џони Блек. Другарот @bubobogdanski ќе биде задолжен за вкусовите кои ќе ги пробате, а другарот @asavic6 го упецавме тазе вратен од одмор да ни пушти одлична музика. Старт: 20.30ч

Другари и другарки, викендов имаме една симпатична агенда со фокус на коктели. - Петок - додека ние миксаме саури (виски, водка или џин) што и да ви се допаѓа, другарот @ivicanaumoski_rubik ќе микса музика на винили. - Сабота - местиме шанкче надвор и мучкаме летни коктели според тајните рецепти од лабораторијата на Синди, додека уживаме во музичкиот избор на другарот Љубац.

Другари и другарки, Овој вторник се договоривме со другарите од @jagermeistermacedonia да мучкаме летни коктели и да пиеме грч ладни шотови, пошо топло. Активностите ќе се одвиваат на надворешниот шанк, а за мучкање коктели ќе биде задолжен другарот @narnaudov72 Бидејќи не оди добар коктел без добра музика, го начекавме слободен другарот @vaskonetkovski кој со задоволство ја прифати нашата покана за дружба. Рајдер листата меѓу другото вклучуваше неколку коктели, пешеснаес шатa и две топлес танчерки. 😁🥰🥃🍹 Старт 20ч.

Другари и другарки, На последната седница на ЦК на Синдикат, одржана по повод свецкиот ден на уискито, беше донесена одлука да се обележи овој голем празник со пригодна вечерна пијанка, на која ќе се точи уиски од сортата Џејмисон и ќе се мучкаат коктели со уиски од сортата Џејмисон. 🥃 За музичко/забавниот дел ќе биде задолжен другарот @imurbruv 🤘🎶🕺 Старт 21ч

Другари и другарки, Ја прекинуваме редовната програма со една кратка најава за еден долгометражен настан: Петок, послеработна накај целовечерна пијанка и игранка со Малфи џин во комбинација со послеработен накај целовечерен музички сет од другарот @icebergledeni Јооој биче фрке 🎶🍹🤘

Другари и другарки, кога сме веќе кај коктелите, спремете се овој четврток да пробате неколку коктели кои ги немаме во стандардното мени. Имено сконтавме дека имаме неколку добри француски коњаци кои ни фаќаат прашина, а другарот месје Блажо (@sbblade23) ни шепна дека знае да прави безобразно добри коктели со коњак и тука одма падна договор. Четврток 20.30ч, надворешниот шанк го презема Блажо и уживаме во одличните комбинации со коњак.